মাৰুতি চুজুকিৰ প্ৰথমখন গ্ল’বেল ষ্ট্ৰেটেজিক বেটাৰী ইলেক্ট্ৰিক বাহন (বিইভি) ই-ভিটাৰাৰ ফ্লেগ অফ

প্ৰধানমন্ত্ৰী নৰেন্দ্ৰ মোদীয়ে মঙলবাৰে আহমেদাবাদৰ হানছালপুৰত থকা মাৰুতি চুজুকিৰ উৎপাদন কাৰখানাৰ পৰা মাৰুতি চুজুকিৰ প্ৰথমখন গ্ল’বেল ষ্ট্ৰেটেজিক বেটাৰী ইলেক্ট্ৰিক বাহন (বিইভি) ই-ভিটাৰাক ফ্লেগ অফ কৰে।

ভাৰতত নিৰ্মিত এই ইভিসমূহ ইউৰোপ আৰু জাপানৰ দৰে উন্নত বজাৰকে ধৰি ১০০খনতকৈও অধিক দেশলৈ ৰপ্তানি কৰা হ’ব।

প্ৰধানমন্ত্ৰীৰ কাৰ্যালয়ে এক বিবৃতিত কয় যে এই সাফল্যৰ জৰিয়তে ভাৰতে এতিয়া চুজুকিৰ বৈদ্যুতিক বাহনৰ বিশ্বব্যাপী উৎপাদন কেন্দ্ৰ হিচাপে কাম কৰিব।

প্ৰধানমন্ত্ৰী মোদীয়ে হান্সালপুৰত টোছিবা, ডেনছ’ আৰু চুজুকিৰ যৌথ উদ্যোগ টিডিএছ লিথিয়াম-আয়ন বেটাৰী প্লাণ্টো উদ্বোধন কৰে। এই উদ্যোগটোৱে হাইব্ৰিড বেটাৰী ইলেক্ট্ৰ’ড নিৰ্মাণ কৰিব, যাৰ ফলত ৮০%তকৈ অধিক বেটাৰী ভাৰতত উৎপাদন হোৱাটো নিশ্চিত হ’ব।

প্ৰধানমন্ত্ৰী কাৰ্যালয়ে লগতে কয় যে এই পদক্ষেপসমূহে ভাৰতৰ সেউজ গতিশীলতাৰ বিশ্বব্যাপী কেন্দ্ৰ হিচাপে উত্থান ঘটাৰ লগতে প্ৰধানমন্ত্ৰীৰ মেক ইন ইণ্ডিয়া আৰু আত্মনিৰ্ভৰ ভাৰতৰ দৃষ্টিভংগীক আগুৱাই লৈ যাব।

ছছিয়েল মিডিয়া X ত প্ৰধানমন্ত্ৰী মোদীয়ে লিখিছে- "আজি ভাৰতৰ আত্মনিৰ্ভৰশীলতাৰ দিশত আৰু সেউজ গতিশীলতাৰ কেন্দ্ৰবিন্দু হোৱাৰ দিশত এক বিশেষ দিন। হান্সলপুৰত আয়োজিত এই অনুষ্ঠানত ই-ভিটাৰাক ফ্লেগ অফ কৰা হ'ব। এই বেটাৰী ইলেক্ট্ৰিক বাহন (বিইভি) ভাৰতত নিৰ্মিত আৰু এশৰো অধিক দেশলৈ ৰপ্তানি কৰা হ'ব। আমাৰ বেটাৰী ইক'চিষ্টেম, হাইব্ৰিড বেটাৰীৰ উৎপাদন বৃদ্ধি কৰিবলৈ।" গুজৰাটৰ এটা প্লাণ্টতো ইলেক্ট্ৰ'ড আৰম্ভ হ'ব।"

ভাৰতৰ সৰ্ববৃহৎ গাড়ী নিৰ্মাতা কোম্পানী মাৰুতি চুজুকিয়ে ২০২৫ চনৰ জানুৱাৰী মাহত ইণ্ডিয়া মবিলিটি গ্ল’বেল এক্সপ’ত প্ৰথমবাৰৰ বাবে ই-ভিটাৰা প্ৰদৰ্শন কৰিছিল।ভাৰতৰ চাৰিটা প্লাণ্টত বাৰ্ষিক ২৬ লাখ ইউনিট উৎপাদন ক্ষমতা থকা কোম্পানীটোৱে বিত্তীয় বৰ্ষ ২৫ত ৩.৩২ লাখ বাহন ৰপ্তানি কৰিছিল আৰু ঘৰুৱা বজাৰত ১৯.০১ লাখ ইউনিট বিক্ৰী কৰিছিল। ই-ভিটাৰাৰ বাণিজ্যিক উৎপাদন আজিৰ পৰা আৰম্ভ হৈছে হান্সালপুৰ প্লাণ্টত।

পৰৱৰ্তী সময়ত প্ৰধানমন্ত্ৰীয়ে ৫৩০ কোটি টকা ব্যয় সাপেক্ষে ৬৫ কিলোমিটাৰ দৈৰ্ঘ্যৰ মহেছানা-পালনপুৰ ৰেলপথৰ দুগুণ প্ৰকল্পকে ধৰি প্ৰায় ১৪০০ কোটি টকাৰ প্ৰকল্প উচৰ্গা কৰিব।